SILVESTRE
PEREZ
“Donostiako Udaletxe zaharra”
Eraikin
neoklasiko honek Konstituzio plaza (Pedro Manuel de Ugartemendia, 1815)
neoklasikoaren mendebaldeko albo txikia ixten du. Silvestre Perezek
diseinatu zuen, 1819. urtean. Hura hil zenean (1825), Ugartemendiak eman
zion amaiera, 1832an. Udaletxe zaharra orduan Plaza Berria deitzen zen
tokian egindako eraikin barrokoak utzitako orubean eraiki zen. Eraikin
barroko hura 1718. urtean diseinatu zuen Hercules Torelli ingeniari
militarrak, eta 1813ko suteak suntsitu zuen.
Udalaren
egoitza kasino zaharraren (1947) egoitzara aldatu zenean, eraikin honetan
Udal Liburutegia jarri zen (1951-2000), eta geroztik, Udalaren Kultur
sailaren bulegoak. Fatxada nagusiak arkupe bat dauka, oinarri batzuen
gainean dauden sei zutabe erraldoiri eusten diena. Zutabeen gainean,
arkitrabea dago, erloju batek eta hiriko armarriak erramatatua.
Argazkia:
JAS, 2005
Tokia:
Donostia. Konstituzio plaza.