JUAN CARLOS GUERRA
Etxebizitza-eraikina. – Galtzara Nagusia, 20 – Gloria, 7
Eraikin hau Gloria eta Galtzara Nagusia kaleen kantoian dago, Donostiako Gros
auzoan. Bolumena modu konbentzionalean banatu beharrean barrualdean argi-patioak
eginez, Juan Carlos Guerrak oso “patio” estu eta sakona sortu zuen, lehen
solairuaren alboetako batean irekidura bat daukana kanpoaldera (eraikinak ez du,
beraz, komunikaziorik Gloria kalearekin). Baliabide horrekin, arkitektoak lortu
zuen eraikinari perimetro zabalagoa eman eta etxebizitzak egitura horren
inguruan antolatzea. Dena dela, esan behar da, gaur eguneko ohiturak kontuan
harturik, patioaren estuasunak ez diela ematen etxebizitzei erosoak izateko
beharko luketen tamaina.
Eraikin honek baditu bi berezitasun aipagarri, izaera espresionista ematen
diotenak: izkinetako forma kurboak eta soiltasuna apaingarrietan. Denborarekin
bi aldaketa zoritxarreko egin dira etxe honetan: hainbat bao itxi egin dira, eta
fatxadari tratamendu desegokia eman zaio. Aldaketa horien ondorioz, asko lermatu
da donostiarrek oro har ulertu ez duten etxe honen estetika.
Argazkia: JAS, 2005
Tokia: Gros auzoa. Donostia.
|