IZAGIRREGOIKOA (Mutiloa)

Baserri gehienetako bizi-baldintzak oso gogorrak izan ohi dira. Intimitatea ezinezkoa zen ia; izan ere, barrualdeko banaketari dagokionez (nekazaritzari eskaintzen zitzaizkion tokiak albo batera utzirik), oro har, gela handi bat eta handik sarrera zuten logela batzuk egitera mugatzen ziren. Gainera, logela horiek ez zuten aterik, eta errezel sinple batzuekin ixten ziren.

Zorionez, denborak izugarri aldatu ditu gauzak… hainbeste ezen gaur eguneko baserri askok eraikinari eusteko elementu premiazkoak baizik ez ditu kontserbatzen antzinago garaietatik, eta barrualdeko banaketa guztiz egokitu da oraingo bizimoduaren eskakizunetara. Gainera, egia esateko, nekazari tradizioan hazitako familia askok abandonatu egin dituzte baserriak, eta hirietako biztanleak etorri dira haietan bizitzera, orain erakargarriagoa egiten baitzaie mendian bizitzea (nahiz eta haien jarduera ekonomikoa hirian betetzen duten erabat eta baserria zaharberritzen duten antzinako nekazari jarduera albo batera utzita).

Argazkia: JAS, 2006

Lekua: Mutiloa (Gipuzkoa).