SAN MILLAN (Zizurkil)

Baserri honi San Millan izena jarri zitzaion bere baitan hartzen duelako garai batean San Millan familia ganboatar boteretsuaren dorretxe izandakoa (familia hori Okendo familiarekin ahaidetuko da).
Jatorrizko dorrea nahiko kalteturik ageri da gaur eguneko baserriaren erruz; izan ere, Etxeberritxo izeneko beste eraikin bat itsatsi diote iparraldeko fatxadan.
Aipagarriak dira antzinako dorretxearen mendebaldeko fatxada (argazkian ikus daitekeena; nabarmentzeko modukoak dira bere bi leiho bikiak eta biek daukaten mainela) eta ekialdekoa, fatxada nagusiaren lana egiten duena. Horma horretako beheko solairuan bi ate dobelatu kontserbatzen dira eta beste bi lehen solairuan. Azken ate horietara iristeko eskailera bat zegoen kanpoaldean, duela hamarkada batzuk desagertu zena.

Fotografía: JAS, Julio 2006

Lugar: Zizurkil (Gipuzkoa).