ANTILLAKO HONDARTZA
Plaiaundi ere deitzen zaio (hondartza handia), Oria errekaren itsasoratzean
kokatzen da. Paisaia honetan mendeak eta mendeak igaro ostean, duna zelai bat
eta hondartza bat eratu ziren. Gizakiaren ekintzak duna zelaia moldatu zuen eta
hondartza naturala ere itxuraldatu egin zuen.
Gaur egun hondartzak duen itxura XX. mendeko lehen erdialdean Ramón Iribarren
ingeniariak gauzatu zuen proiektu bati zor zaio, proiektuari jarraiki,
errekastoa bideratzeko dikea aprobetxatu zen hondartza eratzeko. XX. mende
amaieran arrantza itsasontziek Orioko kaian sartzeko zituzten zailtasun
etengabeak zirela eta paisaian eragin nabarmena izango duten kai-mutur berriak
sortuko dira, hondarraren masa beste behin moldatuko dutelarik.
Modu horretan sortutako hondartza, zabal samarra da itsasbeheran. Bainu
denboraldian zerbitzu ugari eskaintzen dira, aparkalekua eta kanpina barne. 220
metroko luzera du eta Orioko erdigunetik 1.300 metrora dago.
Argazkia: JAS, 2005
Kokapena: Orio.
|