ABRASIO-PLATAFORMA

Itsas olatuek itsaslabarretan ematen dituzten kolpeek, itsaslabarren oinarria ahuldu egiten du eta etengabeko lur-biziak eragiten ditu. Material hauek itsasora erortzean, olatuek eurek, bortizki botatzen dituzte itsaslabarren aurka, modu horretan, olatuen efektu suntsitzailea sendotu egiten da. Itsaslabarra atzeratzen den heinean, bere ordez abrasio-plataforma (edo arraseko plataforma) izendatzen den azalera lau bat sortzen da, itsasbehera dagoenean ikusten dena.

Itsaslabarrak Gipuzkoako kostalde gehienean daudenez, arrasa gune ugari egotea normala da. Agian ikusgarriena Zumaia inguruan dago, baina beste leku batzuetan ere aurki ditzakegu, adibidez argazkian ageri dena, Haizearen orrazia eta Santa Klara irlaren artean.

Argazkia: JAS, 2006 /

Kokapena: Eduardo Txillida Pasalekua (Donostia-San Sebastián)