|
JUAN LOPE
“Monumentua
Felipe Dugiols-en omenez”
Felipe Dugiols Balanzategi (Tolosa, 1840-1900)
Vascongadoen Tertzioko sarjentu gisa nabarmendu zen Afrikako gerran
(1860) eta Filipinetako kanpainan, eta azken kanpaina horretan San
Fernandoren Laureada jasotzera iritsi zen. Bigarren karlistadan, Oñatiko
“Askatasunaren aldeko Boluntarioen” buru izan zen.
Mendearen hasieran (1901), Tolosan, Lorenzo
Fernandez de Vianak estatua bat egin zuen haren omenez, jarritako tokian
egon zena 1937. urtera arte. Urte horretan eraitsi egin zen.
1976ko ekainaren 23an, berritu egin zen “seme
kutunaren” oroitzapena, brontzezko monumentu berri bat eraikiz haren
jaioterriko San Frantzisko pasealekuan. Estatua honetan, Dugiolsen
irudia ikus daiteke, zutik, militarrez jantzita, eskularruak eta sablea
dituela eskuetan. Eskumuturretan, koronel-izarrak dauzka, eta bularrean,
berriz, San Fernandoren Laureada.
Juan Lopek (Tolosa, 1917-1981) modelatua ikasi zuen
Donostiako Arte eta Ofizioen Eskolan. Lantegi batean ziharduela lanean,
eskulturak egiteari eskaintzen zion aisialdia.
Argazkia: JAS, 2005
Tokia: San Frantzisko pasealekua. Tolosa (Gipuzkoa)
|