GureGipuzkoa.net |
Pulse aquí para ampliar la imagen. © CC BY-SA:
KUTXA FOTOTEKA. FONDO Foto Car. Ricardo Martín
"Sociedad Monte Igueldo" elkarteak Igeldoko (edo
Igueldo) jolas-parkea eraiki zuen, 1912. urtean, eta baita igotzeko
funikularra, aisialdirako kasinoa eta hainbat atrakzio ere. Urte batzuk
beranduago, 1929. urtean, atrakzio berriak ekarri zituzten, Sevillan
Hego Amerikari buruz egindako erakusketatik: errusiar mendia, labirintoa,
txalupak edo ibai misteriotsua.
Argazkian aisialdirako kasinoa ikus dezakegu: angelua
osatzen zuten bi hegal zituen (argazkian hegaletako bat ikus daiteke),
eta, atxikitako beste eraikin batean, ekitaldi aretoa zegoen. Hegalek bi
solairu zituzten, bakoitza terraza banarekin. 40. eta 60. hamarkaden
artean, dantzaldiak eta zine-ekitaldiak egin zituzten bertan.
GureGipuzkoa.net |
Pulse aquí para ampliar la imagen. © CC BY-SA:
KUTXA FOTOTEKA. FONDO
Foto Car. Ricardo Martín
Argazkian, atzealdean, Igeldoko itsasargi zaharra
ikus daiteke. Donostiako Kontsulatuak eraiki zuen XVIII. mendean. XIX.
mendean, gaur egun dagoen itsasargia jarri zuten haren ordez.
Erabiltzeari utzi zitzaion, eta, mendiaren goiko aldean zegoenez,
gerrate karlistetan eraikitako gotorleku militarrekin bateratu zen
azkenean. 1912. urtean jolas-parkea eraiki zenean, azkeneko gerra
karlistaren (1872-76) gotorlekua suntsitu zuten, eta, bertan zegoen
plataformaren gainean, patinatzeko pista eraiki zen, argazkian ikus
daitekeen moduan. Gero, hasierako kasinoa lurrera bota eta gaur egungo
hotela eraiki zuten, eta patinatzeko pistan hoteleko igerilekua eta
solariuma egin zituzten.
Argazkian, itsasargiaren jatorrizko zatia ikus
daiteke. Izan ere, parkeari erantsi zitzaionean handitu egin zuten,
dorre gotortu baten itxura emateko. Lehenengo urteetan, eraikinari
probetxua aterata, dorreari buelta ematen zion txirrista handia jarri
zuten, baina urte gutxi iraun zituen. Argazkia hartu zenean, jada
desmuntatuta zegoen.
|
Pulse aquí para ampliar la imagen
Dena dela, Igeldoko erakargarritasun handienetako bat
bistak dira, ezbairik gabe. Ziurrenik, argazki hau kasinoko terrazatik
egin zuten, eta badia gaineko begiratokietako bat ikus daiteke
Azpimarratzekoa da zuhaitz enborrak imitatzen dituen hormigoizko baranda
bitxia. Gizonezkoek daramaten canotierra ikusita, XX. mendeko
hogeigarren hamarkadan gaudela esan dezakegu.
|