Sasiakazia (Robinia pseudoacacia)
XVII. mendean ekarri
zuten sasiakazia Europara eta oso ongi egokitu zen lurraldearen
ezaugarrietara. 25 metro inguru izan ditzake zuhaitzak eta punta irekia
eta irregularra du. Urte asko dituzten zuhaitzen enborretan sare
itsurako egiturak sortzen dira. Adaska eta kimu berriek arantza motzak
dituzten hosto begi bakoitzaren puntan. Aldizkako hostoak ditu, 15 edota
20 zentimetro ingurukoak, bakoitzak 7 edota 21 foliolo obal ditu, batzuk
aurkako hostoak eta besteak subaurkakoak. Gainaldea berde argia da eta
azpialdea, berriz, berde matea.
Ekainaren bigarren
erdialdean loratzen da eta 10-20 zentimetro inguruko multzoak izaten
ditu. 5 eta 10 zentimetro bitartean neurtzen duen leka da sasiakaziaren
fruitua. Negura arte zintzilik izaten dira nabar ilun koloreko fruituak.
Argazkia: JAS, 2004ko
ekaina
Non: Arkaleko harkaitzak
|