7 metro inguru dituen zuhaixka da; koniko erako adaburua eta enbor laua eta grisa ditu. Hostoak larrukara ditu, baita alternoak ere. Gainaldea berde dirdiratsua da, azpialdea, berriz,  berde matea. Ingurua obalatua dute, baina, era berean, arantza zorrotzak dituzte. Hosto- galtzarbeetan landare dioikoak hazten dira udaberrian (gorostietako landareak sexu bakarrekoak dira, hots, harrak edo emeak. Horregatik, gorosti harrez eta emeez hitz egin dezakegu). Udazkenean baia globulotsuak sortzen dira, ilar baten tamainakoa gutxi gorabehera. Kolore gorri bizia dute eta irailetik martxora arte irauten duten.

Gorostiaren egurra gogorra eta pisutsua da. Hori dela-eta, eskulturetan eta marketerian erabiltzen da. Lehen Eguberrietako apaingarrietan erabiltzen zen. Egun, baina, babestutako zuhaixka da gorostia.

Argazkia: JAS, 2004ko ekaina

Non: Arkaleko hazkaitzak