Kuku prakak ( Digitalis purpurea)

Eskrofulariazeoen familiako landare belarkara eta bienala da. Sendabelar modura erabili izan ohi da. Zurtoinak 1 m-ko altuera du eta iletsua da. Hosto obatu/lantza-formakoak ditu, horzdunak eta iletsu samarrak. Lore zigomorfikoak ematen ditu, sorta luzeak eta norabide bakarrekoak dira. loreak zintzilika egoten dira, bost sepalo dituzte eta ez dira banatzen, bost zentimetroko luzera izan dezakete. Itsura tubularra eta kanpaiaren antzekoa dute. Forma irregularra dute eta kolore arrosa-gorrixka dute; barruan, baina, puntu beltz  batzuk dituzte. Lau lorezil ditu: bi luze eta bi motzago. Fruitua bi konpartimentu  dituen kapsula bat da; barruan hazi ugari izaten ditu.

Arestian esan bezala medikuntzarako erabilia da landare hori. Besteak beste, bihotzeko gaixotasunak sendatzeko erabiltzen den alkaloide kardiotoniko bat ematen du.

Argazkia: JAS, 2004ko ekaina

Non: Aiako parke naturalean