AZKEN ONDORIOAK
Erdi aroko euskaldunen giza jokabideen historia
zirriborraturik baino ez dago. Azterketa honetatik kanpo gelditu
dira haien jokabideen arlo oso garrantzitsuak. Gizabanakoari
dagozkion guztiak: izadi, habitat, janari, jantzi eta bizitzeko
gainerako beharrizanei dagozkienak, elikabide eta lantresnei
dagozkienak, haien mito, jainko eta orozgaintasunari loturikoak.
Halaber, ez ditugu aztertu beheko erdi aroko euskaldunen jokabideak
familiaren barrutian, familia urri eta ugarian, odol eta
ahaidetasun-Ioturetan.
Aztertzeko eta ulertzeko asko dugu oraindik. Beheko erdi aroko
euskaldunen jokabideari dagokion lan hau bide berria zabaltzen ari
da ikerkuntza historikoan; eta gaur eguneko gizakiarentzat oso
garrantzitsua dela uste dut, atzoko euskalduna nolakoa zen azaldu
eta haren jokabidea euskal izaeraren berezitasuna ote den argitu
nahi baitu.