FILATELIA Filatelia posta-seiluak bildu eta ikertzeko zaletasuna da. Definizio akademikoak alde batera utzita, bada Filatelia Historiaren adartzat jotzen duen jendea. Baina esan behar da gaur egun harreman handiagoa daukala bildumak egiteko ohiturarekin jakintza zientifikoarekin baino. Hauek dira seiluen esparruan parte hartzen duten elementuak, besteak beste: filatelista, saltzailea, ondare ukigarriak kudeatzeko enpresak, posta eta filatelia-erakundeak. FILATELISTAK Seiluen bildumariak ez dira inola ere berdinak. Hasteko, miloi asko eta asko dira munduko herrialde ia guztietan sakabanatuak. Eta gainera, oso helburu ezberdinak bilatzen dituzte seiluak biltzeko orduan. SALTZAILEAK Saltzaile gehienak bildumariak izan dira (edo dira). Normalean, seilu-stock bati eusten diote, handia edo txikia, eta bilduma osoak erosten dituzte geroago berriz salgai jartzeko asmoarekin. Abonu-sistemak ezartzen dituzte bezeroari behar dituen seiluak helarazteko, eta komisio txikiren bat kobratzen dute zerbitzuaren truke. POSTA Posta-zerbitzuaren enpresa adjudikaziodunak eta Estatuko Administrazioak berak ere garrantzi handia du seiluen bildumazaletasuna eta seilu egin-berrien merkatua arautzeko orduan. Hasiera batean, bilduma egitea loturik egoten zen seiluen ohiko funtzioari, gutunak frankeatzeko zeinuak baitziren. Gaur egun, berriz, helburu filateliko hutsez egiten da; izan ere, komunikazioa eta teknologia berriak aldatu egin dira, eta horren ondorioz asko murriztu da seiluen erabilera. |
