Zirkulazioan dabilen korrespondentziaren artean, bidalketa askok eta askok (bankuenak,
Administrazio publikoarenak, publizitate enpresenak, eta abar) ez dute inolako
seilurik eramaten. Kasu horietan, frankeo-zeinu berezia erabiltzen da. Batzuetan,
tinta arrasto bat da (1. irudia), oro har urdin edo gorri kolorekoa,
frankeatzeko makina batek egina (frankeo mekanikoa).
Postetxe nagusietan, frankeatzeko makinak daude jendearen eskura. 2. irudian,
Donostiako Postetxean dagoen makinak 2004ko abenduan egindako irudiaren
erreprodukzioa da.
Gaur egun, beste frankeo mota bat erabiltzen da sarritan, “ordaindua” izenekoa
(3. irudia). Frankeo ordaindua erabiltzeko enpresa baimenduek postetxean uzten
dute korrespondentzia eta hilean behin ordaintzen dute erabilitako zerbitzuari
dagokion saria.
4. irudian, 2006. urtearen amaieraz geroztik, leihatilako seiluak (SFS)
ordezkatzeko erabiltzen diren moldeetako bat ikus daiteke.
|