La Fábrica del timbre e Imprenta Nacional, Tolosan
Tropa matxinatuek Madril menderatzea lortu zuten arte
(1939ko martxoa), Fábrica Nacional de Moneda y Timbre lantokia erregimen
militarraren kontroletik kanpo egon zen. Hori dela eta, erregimenak
enpresa pribatuei eskatu zien seiluak inprimatzeko. Alde horretatik
azpimarratu behar da Tolosan seilu asko inprimatu zirela, azpialdean
Fábrica del Timbre e Imprenta Nacional izena edo haren aldaeraren bat jaso
zutenak.
Seilu horietako batzuk inprimatu egin ziren; beste
batzuk, berriz, diseinatu bai baina ez ziren inprentara iritsi; edo milaka
gutxi batzuk inprimatu ziren, proba moduan.
Cervantesen seiluaren probak ere egin ziren; baina seilua ez zen gauzatu
azkenean, eta irudi haiek Tolosan erabili ziren, postalak inprimatzeko.
|
|