Blas Lezo Olabarrieta Pasaia marinel-herrian jaio zen, 1687. urtean.
Frantzian egin zituen ikasketak, eta han ekin zion armadan karrera
egiteari.
Seiluak ikusteko garaian, atentzioa emango digu seguruenik haren begietako
bat itxita ikusteak. Izan ere, ezkerreko begia galdu zuen Touloneko Santa
Katalina gazteluaren aldeko borrokan, zeinetan parte hartu baitzuen 18
urte baizik ez zituela.
Baina bazituen arazo fisiko gehiago ere. Urte batzuk lehenago, 1704an,
flota anglo-holandarrak jaurtiriko kanoi-bala baten ondorioz ezkerreko
hanka galdu zuen. Eta aurrerago, ontziko kapitaina zela jadanik, beso bat
kaltetu zitzaion Kataluniako kostan borrokan zebilela.
Ondorengotza-gerratea behin amaiturik, haren esku utzi zuten Lanfranco
ontziaren buruzagitza, 1723. urtean. Perun ezkondu zen, 1725ean. 1730ean
Espainiara itzuli eta Mediterraneoko Itsas Eskuadraren buru izendatu zuten.
1737. urtean, Kolonbiako Cartagenako gobernadore izan zen. Eta berehala
hil zen, atake baten ondorioz.
Seilu hauek Amerikaren forjatzaileak serieren barruan kokatu behar dira.
Eta haien artean aurkitzen dira Granada Berriaren erregeordetzarekin
erlazionaturikoak, zeinen lurraldea gaur eguneko estatu hauei baitagokie:
Kolonbia, Panama, Venezuela eta Ekuador.
1490 Zk.
Data: 1963-10-21
Imagen : Escudo de armas de San Sebastián
Legenda: Guipuzcoa
Inprimatzailearen datuak: N. 22. FNMT Valor facial: 5 pta.
Inprimatzailearen teknika: sakongrabatu
Hortzak: 12 3/4 x 12 1/2
Tirada: 4.000.000
Orria: 50
Seriea: 57 b.
Armarriei eskainitako serie hau Ogasun Ministerioaren aginduz egin zen,
1961eko abenduaren 1ean. Hala zioen aginduak: “...Bajo la denominación de “Serie de escudos de las provincias
españolas” se procederá por la Fábrica Nacional de Moneda y Timbre a la
elaboración de una serie de signos de franqueo, en la que se reproducirán
mensualmente a partir del mes de enero de 1962, el escudo de cada una de
las provincias españolas, representadas por el de su capital y
relacionadas aquéllas alfabéticamente en atención a la inicial de sus
respectivos nombres.... Serieak, oro har, kritikak jaso zituen
heraldika-adituen aldetik.
1516 Z.
Data: 1963-6-27
Irudia : Sello medieval de la villa de San Sebastián
Inprimatzailearen datuak: Sello del concejo FNMT
Legenda: San Sebastián conmemoraciones centenarias 1813 - 1863 -
1963
Prezioa: 25 cts.
Inprimatzeko teknika: sakongrabatu
Hortzak: 12 3/4
Tirada: 6.000.000
Orria: 100
Seriea: Conmemoraciones centenarias de San Sebastián; 3 v.
Seiluan ageri den “Conmemoraciones centenarias 1813-1863-1963”
horrek Donostia hirian berebiziko garrantzia izan duten bi gertakariri
egiten die erreferentzia, bata tristea eta alaia bestea: 1813ko sutea eta
harresiak eraistea (1863-1864).
Hona hemen 1813ko gertaera triste haien berri, gutxi gorabehera: Tropa
britainiarrak eta portugesak uztailaren 9an heldu ziren, Sir Thomas Graham
jeneralaren agindupean. Artilleriaren sua uztailaren 20an hasi zen
harresien kontra. Uztailaren 22an, lortu zuten 50 metroko zuloa irekitzea
Zurriola parean, eta biharamunean beste zulo bat, 10 metrokoa, Labeetako
kuboaren eta San Telmoko bastioitxoaren artean. Gotorlekua erasotzeko
lehen saioa uztailaren 25ean gertatu zen, baina aliatuek porrot egin zuten…/…
1517 Z.
Data: 1963 junio 27
Irudi : Alegoría sobre el incendio de 1813
Inprimatzailearen datuak: incendio de la ciudad FNMT
Legenda: San Sebastián conmemoraciones centenarias 1813 - 1863 -
1963
Prezioa: 80 cts.
Inprimatzeko teknika: sakongrabatu
Hortzak: 12 3/4
Tirada: 5.000.000
Orria: 100
Seriea: Conmemoraciones centenarias de San Sebastián; 3 b.
…/…
Abuzuaren 26an, artilleriaren eraso bortitz batek lortu zuen bi zuloak 200
metro luze zituen zulo bakar batera biltzea, eta hala nabarmen ahuldu
ziren bestelako defentsa-moduak.
Abuztuaren 31n —nahiko presaka—, azken erasoa burutu eta hiria hartu zuten.
Egun hartan bertan, tropa aliatuek hiria arpilatu eta su eman zioten.
Egun hartan bertan, Donostiako agintariak hiritik gertu dagoen Zubieta
herrian bildu ziren, Aizpurua baserrian, eta hiria berreraikitzeko
konpromisoa hartu zuten.
1518 Z.
Data: 1963-6-27
Irudia : Vista general desde el convento de S. Francisco. 1836
Inprimatzailearen datuak: vista general 1836 FNMT
Legenda: San Sebastián conmemoraciones centenarias 1813 - 1863 -
1963
Prezioa: 1 pta.
Inprimatzeko teknika: sakongrabatu
Hortzak: 12 3/4
Tirada: 5.000.000
Orria: 100
Seriea: Conmemoraciones centenarias de San Sebastián; 3 b.
Harresiak eraisteak hiria askatu zuen mende luzeetan zehar jasandako
morrontza eta eragozpenetatik, gotorleku garrantzitsua baitzen.
1856. urtetik aurrera, Donostiako gotorlekua, desmilitarizatzeko moduko
plazen artean sartu zuten, zaharkiturik baitzegoen gerraren eta baldintza
teknologikoen eraginez. Baina harresien eraistea urte batzuk aurrerago
gertatu zen, Hiriak eraisteko eskaria behin eta berriro egin bazuen ere:
1857, 1858 eta 1860an.
1863an, Donostiak Gotorlekua izateari utzi zion ofizialki. Eta urte hartan
bertan eraitsi ziren harresiaren zati batzuk. 1864ko apirilaren 28an
dekretu batek baimena eman zuen gotorlekua behin betiko eraisteko, eta
urtebete jardun zuten zeregin horretan.
1612 Z.
Data: 1964-7-16
Irudia : Buque-escuela “Juan Sebastián Elcano”
Inprimatzailearen datuak: B/E Juan Sebastián Elcano. FNMT
Kolorea: gorria eta laranja.
Prezioa: 10 pta.
Inprimatzeko teknika: kalkografía
Dentado: 12 3/4
Tirada: 5.000.000
Orria: 25
Seriea: Homenaje a la Marina española; 14 v.
Serie hau Espainiako Itsas Armadaren omenez egin zen, 1964. urtean.
Hamalau seilu zituen, hainbat garaitako ontzien grabatuekin ilustratuak.
Seilurik baliotsuenak (10 pta.) “Juan Sebastian Elcano” ontzia dauka
grabaturik, eta izen horrek sustrai sakonak ditu Gipuzkoan.
Lau mastako goleta-bergantina da, Camper & Nicholson-ek (Southampton)
diseinatua eta Cadizen eraikia, Echevarrieta y Larrinaga izeneko
ontzioletan. 1925ean hasi ziren eraikitzen eta 1927an uretaratu zuten.
Itsas Armadari hurrengo urtean eman zioten. Lehen itsasaldia (Cadiz–Sevilla)
1918an izan zen, Sevillan erakusketa egin zenean.
1694 Z.
Data: 1965-12-3
Irudia : Andrés de Urdaneta
Inprimatzailearen datuak: padre Urdaneta. FNMT
kolorea: Urdina.
Legenda: IV Centenario Evangelización Filipinas
Prezioa: 3 pta.
Inprimatzeko teknika: huecograbado
Hortzak: 12 3/4 x 12 1/2
Tirada: 5.000.000
Orria: 75
Seriea: IV Centenario de la Evangelización de Filipinas; 2 v.
Andres de Urdanetak (Ordizia, 1508 - Mexiko, 1568), 1525. urtean, parte
hartu zuen Garcia Jofre de Loaysa-k gidatutako espedizioan, Moluka irlen
kontrola lortzeko helburuz antolatua. Espedizioa 1537an itzuli zen
Espainiara ezin konta ahala gorabehera jasan ondoren.
Urdaneta erantzukizun politiko eta administratibo handiko kargutan aritu
zen, Mexikon, 1538 eta 1552 urte bitartean. 1552az geroztik, erlijioari
emana bizi izan zen, San Agustin ordenan (1553).
Haren ekarpen garrantzitsuen artean nabarmentzeko modukoa da konponbidea
aurkitu ziola Mendebaldeko irlen (Filipinak) eta Amerikaren arteko bidaia
egiteko zegoen nabigazio-arazoari. Berak ibilbide berria (Tornaviaje)
diseinatu zuen: ipar-ekialderantz jo behar zen kontralisioen eta Kuro
Shivo korrontearen bila. Zuzen zebilela frogatu zuen 1564 eta 1565
bitartean egindako bidaia batean. |