SANTA KLARA IRLA
Santa Klara irlak Conchako badia ixten du. Gipuzkoako irlarik handiena da.
280x140 metro ditu eta 37 metroko altuera hartzen du itsasoaren mailarekiko bere
tokirik garaienean. Itsaso zabalari begira dagoen aldean, aldapa oso pikoa duen
itsaslabarra dago, gainerako perimetroan aldiz, pikoa ahulagoa da. Itsasargi
bat, garraio publikorako prestatutako itsasontziak udan porturatzeko kai-mutur
bat eta altuera polita hartuz irla inguratzen duen bidexka bat ditu. Antzinako
iturri natural bat ere badu, bertara eskailera batzuk igoz irits daiteke.
Hondartza txikitxo bat ere badu.
Argazkia: JAS,
2006
Kokapena:
Donostia-San Sebastián.
|